Esta Terra É Nossa

Real Power
Esta terra é nossa
Kaíno200, Dr. Mv, Mikail

Pensa ben, nha ermon
Kada dia ke sol na mansi, bisilon na kai na txon
Ee, ma bu ka ten nuson di kuma korta sin sumia ta txoma so dizertifikason
Bo bin no djunta mon
Ala stranjeru na kaba piska no pis pa se pais
Koitadi fidjus di txon
Ala tera na sploradu ma pupulason ka sta felis

Txe, no padidu, Deus patinu txuba, e patinu solu fertil
No mar tene spesie di pis ki na mundu i difisil
I ka ten duvida, ma ermon, anos tudu i guinensi
Si ka arus di pilon, lingron, kuma ku no na kirsi?
No tera tene rikeza dedi txon ate na seu
No dibi di orgulia del suma ora ku no nganha un trofeu
Pensa na pis na mar ku branku na kaba piska
Fomi na miasa mundu, no seta uzadu suma iska
Pa reforsa ikomonia d'Azia, Eropa ku Amerika
Pa sustenta spiriensia rializadas na aria sientifika
Stranjeru misti uza mama Guine tipu kobaia
Si no ka finka pe, e na fundianu bas di reia
No prifiri da pasu lentu, ma isensial pa i suguru
Di ke ki rapidu ku na prejudikanu na futuru
No biodiversidadi pui danu kil ku no misti
So pa no prezerval, no sinta tudu no refleti
No lenbra aonti, no pensa aos, no pensa amanha
E tera i di nos, si i kunpu, anos tudu ku nganha
O, Guine

Pensa ben, nha ermon
Kada dia ke sol na mansi, bisilon na kai na txon
Ee, ma bu ka ten nuson di kuma korta sin sumia ta txoma so dizertifikason
Bo bin no djunta mon
Ala stranjeru na kaba piska no pis pa se pais
Koitadi fidjus di txon
Ala tera na sploradu ma pupulason ka sta felis

Guine-Bisau i di nos, si no ka kuida pa el, no nhani
No para bindi tera, pabia i ka garandi
Si bu djubi Bubaki, ala Rubani na kaba bindidu
U djubi pa utru ladu, ala kontratu na tomadu
Ku brankus pa korta madera, intxi barku pa leba pa se tera
Piska no na mar avontadi, tipu sidadon nasional
Kontrolu ka ten, mas i bon no pensa ben
Pabia brankus ka buru, brankus ka tulu
E splora se tera tok i bida linpu
Gos e misti bin li ku sintidu di benefisiu
E ta findji fala son e tene prujetu
Utru guinti ta sumi, pabia e ta otxa suku di bas
Ma dinheru ta kaba, vida ta kontinua
Sin se barku, no na rema ku kanua
No tene fijon, mankara, txeben, etsetera
No teneu midju, pis na mar txiu i pasa
Enton, pa kila, si no turmentadu, k'o splora tera sin runi kondisons
I pudi tisinu fomi sin sonbra i duvida
I na krianu prubulema, agora txon i di nos
No ten ku prutijil pa ka no bin ripindi di no Guine verdi, virjen
Mundu tudu ngaba, ee
O, Guine

Pensa ben, nha ermon
Kada dia ke sol na mansi, bisilon na kai na txon
Ee, ma bu ka ten nuson di kuma korta sin sumia ta txoma so dizertifikason
Bo bin no djunta mon
Ala stranjeru na kaba piska no pis pa se pais
Koitadi fidjus di txon
Ala tera na sploradu ma pupulason ka sta felis