Mundo

Mundu é grandi, ma-l ten ki kai na mi
Nhos fla-m pamodi ki ten ki kai na mi
N fazi di tudu pa N fika na reglu, tudu pa fika kurétu
Tudu, ma nu ka purfetu, nos tudu nu ten nos difetu

Nha kaminhu pa mi sénpri foi rétu
Vivi diskrétu pa N vivi más dretu
Tudu, ma nu ka purfetu, nos tudu nu ten nos difetu
Ami inda N ka fuji régla, ma nha kor ki kundena-m
Fazi ma dja N seta lei di ses téra, ma nha dor ka ta djuda-m
Nhos ta vivi riba mizéria di mundu, tudu pudi kaba na un sugundu
Si N perdi primeru, N ta pega sugundu, k'o tenta ku kel ki N ten
Sta más piór ki mi, N ka teni kau di kexa
Es ki dja fronta, grita ti ki vos kebra
Sokoru! Fómi dja mata kantu algen?
(Es ka odja, es ka kre obi nada)

Mundu é grandi, ma-l ten ki kai na mi
Nhos fla-m pamodi ki ten ki kai na mi
N fazi di tudu pa N fika na reglu, tudu pa fika kurétu
Tudu, ma nu ka purfetu, nos tudu nu ten nos difetu

Si N ka buska, undi ki N ta atxa? N ka ta spera lisin pa bu da-m
Si é pa furta, N ta rakatxa, po Diós nha frenti p'e podi gia-m
P'e podi djuda-m, odja s'e ta tra-m di li
Munti d'es kre odja-m ta sufri
Ka bu da-s nun nutísia, dexa-s tenta ben spreta
Es tenta po-m pa baxu, ma mi ki ka seta
Ta buska kuza fla, sen sabi nada, es ta nventa
Kanbadas di lumenta, na nha vida ka ta entra

Mundu é grandi, ma-l ten ki kai na mi
Nhos fla-m pamodi ki ten ki kai na mi
N fazi di tudu pa N fika na reglu, tudu pa fika kurétu
Tudu, ma nu ka purfetu, nos tudu nu ten nos difetu

(Nha kaminhu pa mi sénpri foi rétu)
(Nhos fla-m pamodi ki ten ki kai na mi)
(N fazi di tudu pa N fika na reglu)
(Tudu, ma nu ka purfetu, nos tudu nu ten nos difetu)