Willie's Fair And Rare

Oh Willie's fair and Willie's rare
And Willie's wondrous bonnie
And Willie hecht tae marry me
Gin e'er he married ony
Gin e'er he married ony

Yestreen I mad' my bed fu' braid
This nicht I'll mak it narrow
For 'a the lee lang winter's nicht
I'll lie twined o' my marrow
I'll lie twined o' my marrow

Oh cam ye by yon waterside
Pu'd ye the rose or lily
Or cam ye by yon meadow green
Or saw ye my sweet Willie
Or saw ye my sweet Willie

She socht him east, she socht him west
She soucht him braid and narrow
And in the cliftin' o' a crag
She found him drooned in Yarrow
She found him drooned in Yarrow

Her hair, it was five quarters lang
The color, it was yellow
She's tied it roond his middle sae sma'
And pu'd him oot o' Yarrow
She's pu'd him oot o' Yarrow

Oh mither mak my bed this nicht
Oh mak it lang and narrow
For ne'er a man shall lie by my side
Since Willie's drooned in Yarrow
Since Willie's drooned in Yarrow
1