Fürstenfeld

Langsam findt der Tag sei End und die Nacht beginnt
In der Kärtnerstrassn, da singt aner Blowin' in the Wind
Hat a grünes Röckerl an, steht da ganz verlor'n
Und der Steffl, der schaut owi, auf den armen Steirerbuam

Der hat woll'n sei Glück probieren in der großen fremden Stadt
Hat glaubt, sei Musik bringt ihn auf's Rennbahn - Express
Titelblatt
Aus der Traum, zerplatzt wie Seifenblasen, nix is blieb'n
Als wie a paar Schilling in sein Gitarrenkoffer drin

Wochenlang steh I schon da
Wochenlang plag I mi ab
I spiel mir die Finger wund
Und sing sogar "Da kummt die Sunn"

Doch es ist zum Narrischwerd'n
Kaner will mi singen hör'n
Langsam krieg I wirklich g'nua
I frag mi, was I da tua

Da geht den ganzen Tag der Wind
Nix als Baustellen, dass ka Mensch was find't
Die Burenhäut'ln sind ein Graus
Und im Kaffeehaus brenntst di aus

I will wieder ham, fühl mi da so allan
I brauch ka große Welt
I will ham nach Fürstenfeld

In der Zeitung da habn's g'schrieb'n
Da gibt's a Szene, da musst hin
Was die wollen, das sollen sie schreib'n
Mir kann die Szene g'stohlen bleib'n

Da geh'I gestern ins U4
Fangt a Dirndl an zum red'n mit mir
Schwarze Lippen, grüne Haar
Da kannst ja Angst krieg'n, wirklich wahr

I will wieder ham, fühl mi da so allan
I brauch ka große Welt
I will ham nach Fürstenfeld

Niemals spiel I mehr in Wien
Wien hat mi gar net verdient
I spiel höchstens no in Graz
Sinalbelkirchen und Stinatz

I brauch kan Gürtel
I brauch kan Ring
I will z'ruck hintern Semmering
I brauch nur das bissel Geld
Für die Fahrt nach Fürstenfeld

I will wieder ham, fühl mi da so allan
I brauch ka große Welt
I will ham nach Fürstenfeld