Nha Balila

Onti n txora txeu na tenta djobi paz dentu mi
Onti n txora txeu na tenta muda vida ki n ata vivi

Ka nhoz kondenan, inverti situason, n sabi mo ta intenden
Ka nhoz kondenan, inverti situason, n sabi mo ta intenden

N konxi alguen ki da si vida pa salvason
N konxi alguen ki perdi vida na tenta da pa bon, omi sen speransa, sen Deus na korason
N konxi milionariu arogantis, noti pa manxi na falensia pa falta di konsensia
Omi sen Deus na korason ka ten pasensia
N konxi pai ki bendi vida di si fidju bira kosta pa aliansa di familia sen amor dentu kasa
Vingansa, ganansia, kel-la k'e rikonpensa, omi sta perdidu li nes mundu sen speransa
Es ka da konta ma atenson ta libra fidju di malkriason
Es ka da konta ma dinheru ka ta kunpra edukason, ka ta trazi salvason
Kazamentu era dos korpu na un alma
Mumentu atual: Dos korpu na interesi material asinatura na papel, n konxi país ki ta limentental del
Di sistema midia ka ta fala mal, es ta pretendi fala kel ladron ki foi fuliadu di triseru andar
Pe kebradu, karegadu dor, omi sen amor
N ta preza, n ta pidi pa senhor un povu ten ki ten si voz y pa kela nu ten ki rinka kel morgadu dentu noz
Nu ten ki rinka kel morgadu dentu noz

Onti n txora txeu na tenta djobi paz dentu mi
Onti n txora txeu na tenta muda vida ki n ata vivi

Ka nhoz kondenan, inverti situason, n sabi mo ta intenden
Ka nhoz kondenan, inverti situason, n sabi mo ta intenden

N diskubri ma maior spasu di nha inspirason e na simiteriu
Li ki tudu ta finda o pretu o branku, ka ezisti u akontrariu
Mas n ten ki kontradizi kel kes mostra akontrariu
Ma nu ben di skravatura: Mintira
Dja sta na ora para txora, rinka skrabatura, rinka kel sensura
Muda di pustura dentu petu ki ta bate e korason
Nos lion di Judah, descendenti bafata, nu ten ki salva es jerason
Korason di kontenti sta na txôn, undi ki sta gritu di rivuluson?

Omi ka kre pega na tersu pa papia ku Dios pa kumida ka faita, n teni vergonha mundu a ta duen na fundu

N konxi alguen ki mori ku vontadi abrasa
N konxi alguen ki ten speransa ma kel dia txiga ma voita pa kasa
Abrasa tudu ken' e ki nu ta ama, ami n kre brasa nha black mama
Nos e poku ki sumi sentimentu pa nos pai, ami n ta amau di fundu korason pamod e bo ki pon na txôn
O nha pai, ami n ta amau di fundu korason pamod e bo ki pon na txon, pamod e bo ki pon na txon

Onti n txora txeu na tenta djobi paz dentu mi
Onti n txora txeu na tenta muda vida ki n ata vivi

Ka nhoz kondenan, inverti situason, n sabi mo ta intenden
Ka nhoz kondenan, inverti situason, n sabi mo ta intenden

Onti n txora txeu na tenta djobi paz dentu mi
Onti n txora txeu na tenta muda vida ki n ata vivi

Ka nhoz kondenan, inverti situason, n sabi mo ta intenden
Ka nhoz kondenan, inverti situason, n sabi mo ta intenden