Es k'é Lisboa, nos terra di adoson
Ki resebe-nu kónde no tive d'imigrá
Kónde txuva kabá i nos fidjes tive fome
Es k'é nos vida, Lisboa ten a kel kurason ben Purtuges

Es k'é Lisboa, nos terra di adoson
Ki resebe-nu kónde no tive d'imigrá
Kónde txuva kabá i nos fidjes tive fome
Es k'é nos vida, Lisboa ten a kel kurason ben Purtuges

Nes nos aventura, aventura d'imigrason
Oi' tónte porte, tónte sidadi ke no konxê nes munde
Ma nenhun tokô na nos funde, na nos korason
Purke Lisboa ten grandi amor, amor k'é kriole

Si Boston é pa ta kete, mas é Djarfogu i Djabrava
I Roterdam é sanpadjude, Luxenburg é sueke
I Roma é patxin parloa, ka ten ote móda Lisboa
Purke li el djuntá tude nos, tude Kabuverde

Lisboa ten Camões, Fera d'Arloje i Fátima
Sporting, Benfica ma Porte, Enclave i B. Léza
I na sosiason ta baiod tê na óra d'almose
Lisboa sô ka ten mar, ma pa konsolan' el ranjá Tej'

Kónde txigá óra de no regresá
Ka bo fká tristi nen ka bo txorá
Si Praia é kapital d'nos terra, kerida

Lisboa é kapital di sodadi, d'nos munde spaióde
Lisboa é kapital di sodadi, d'nos munde spaióde, d'imigrason
Lisboa é kapital di sodadi, d'nos munde spaióde, d'imigrason