Jogo Duro

N’ta da so pa forti, mas n'sta atoa
N’ta mostra, n’ta fingi ma n sta na boa
N’ta fla ma n’sta dretu, mas ê so faxada
N’sta mori pa dentu sen kel bu xamada

Kuantu tenpu, mas nu ta kontinua ta fingi
Ma n’ka sta xinti bu falta i abo kel dimeu, no
Nu ka sta odja, nu sta fazi mal so na nos mesmu
So na midi forsa entri nos 2 num braso di feru, uh-oh

Kem ki ta tilifona primero?
Kem ki ta baxa si grandi ego?
Kual di nos ki ta verga i aceita?
Adimiti ma si dja ka sta da pa nu kontinua ta insisti nes eru

N'kre kola na bo, fazi tudu ku bo
N’ka kre fika nen mas un minutu longi bo
Mesti fala ku bo, larga orgulho da mo
I para di vez ku es nos jogu duru

N'ta passa dia ta spreta nha WhatsApp na speransa di atxa bu mensagi
N'ta bai nha insta djobi ultimu post si bu komenta ou dexa kel bu like, mas nada
Pa mas ki n’djobi n'ka ta atxa nada, i nos orgulho cegu ka sta dexa
Nu krê so kompiti pa odja ken'ê ki ê mas temozu

Kem ki ta tilifona primero?
Kem ki ta baxa si grandi ego?
Kual di nos ki ta verga i aceita?
Adimiti ma 'si dja ka sta da pa nu kontinua ta insisti nes eru

N'kre kola na bo, fazi tudu ku bo
N’ka kre fika nen mas un minutu longi bo
Mesti fala ku bo, larga orgulho da mo
I para di vez ku es nos jogu duru

N’ta da so pa forti, mas n'sta atoa
N’ta mostra, n’ta fingi ma n sta na boa
N’ta fla ma n’sta dretu, mas ê so faxada (ê so faxada)
N’sta mori pa dentu sen kel bu xamada (sen bu xamada, ah)

N’ta da so pa forti, mas n'sta atoa
(N'sta atoa) N’ta mostra, n’ta fingi ma n sta na boa
N’ta fla ma n’sta dretu, mas ê so faxada
N’sta mori pa dentu sen kel bu xamada

Mi n'kre kola na bu, oh-oh
N’ka kre fika nen mas un minutu longi d'bo
Mesti fala ku bo, larga orgulho da mo
I para di vez ku es nos jogu duru