Undi Kin Fadja?

Inda N ta lenbra di tudu konstranjimentu
Ki nu tive ki diruba duranti bu surjimentu
Notis en klaru i dias sinzentu
N faze tudu ki N pode pa bu midjór kresimentu
N ka pode da-u tudu, ma N da-u tudu ki N pode
Pa N faze-u un ómi intigru, umilde i sivéru, sinseru
Diferenti di bu pai pa-u ka faze nun mudjer kel ki el e faze ku bu mai

Nha fidju, vida sénpri foi duru
Ma pa kada noti skuru sénpri tive novu dia
Txeu friu i sonbriu, txeu bes ku bolsu vaziu
Nu korda ku dibra ma nunka nu durmi ku fómi
Bo é tudu nha luta, tudu nha sforsu na bu nómi
Bu apoiaba no na barku ma simé nu ka funda
Kuasi ta inunda na meiu difikuldadi
Ma bu idukason sénpri foi prioridadi

Bu idukason sénpri foi prioridadi
Bu idukason sénpri foi prioridadi

Será ki kriansa ki bu foi ónti, oxi ta xinti orgulhu di ómi ki bo é oxi? Será?
Será ki bu ta xinti orgulhu di skolhas ki bo bu faze, kaminhus ki bo bu skodje? Será?
Será ki bu ta xinti ben ku mágua ki bu traze-m, sofrimentu ki bu kauza-m?
Será ki prezenti k'u tene oxi é futuru ki bu ta kre pa bu fidju tene manhan?

Nha fidju, mostra-m undi ki N era
Undi ki N dexa falta, undi ki N izajera
Kuzé ki N ka faze o kuzé ki N faze dimás
Kuzé ki N faze poku i N pudia faze un poku más
Na undi ki N fadja
Si tudu nha luta foi ku tudu Diós da-u pa krese i torna-u un ómi midjór
Bo fla-m kal k'é razón, kal k'é motivason
Kal k'é kauza maiór pa-u ratribui-m ku tantu dór
Undi ki N fadja? N kre pa-u fla-m undi ki N fadja
Si N faze di tudu pa N iduka-u sufisienti
Undi ki N fadja? N kre pa-u fla-m undi ki N fadja
Si kantu bu meste sénpri mi N staba la prezenti
Undi ki N fadja? N kre pa-u fla-m undi ki N fadja
Si sénpri N da-u dobru di tudu kel ki N rasebe
Undi ki N fadja? N kre pa-u fla-m undi ki N fadja
Fla-m, N kre pa-u fla-m

Undi ki N fadja? N kre pa-u fla-m undi ki N fadja
Si N faze di tudu pa N iduka-u sufisienti
Undi ki N fadja? N kre pa-u fla-m undi ki N fadja
Si kantu bu meste sénpri mi N stive la prezenti
Undi ki N fadja? N kre pa-u fla-m undi ki N fadja
Si sénpri N da-u dobru di tudu kel ki N rasebe
Undi ki N fadja? N kre pa-u fla-m undi ki N fadja
Fla-m