Fidjus Barraka

Ningen ka sabi si dja nu kumi, es ka purgunta si dja nu janta
Dja ten dias ki N ka sa durmi, pamó N sta pensa na rinka xapa
Nu ka mesti un prédiu más grandi, ki ta nporta ma dja N gasadja
Nos rikéza é ka diamanti, e filisidadi di nos kriansa
Bariga xeiu, N ta konta-s párti di kes momentu ki N ka atxa nada
Korason kenti, N ta dizabafa pa N fla-s ma vida é ka so riklama
Mésmu ki mundu sa-ta julga-nu, kes k'é di-meu mi N ten ki ta brasa
Désdi komésu nada es ka da-nu, jogu dja vira, es kre ultrapasa
Nton, kada kenha studa se planu pa na futuru nu ten bonansa
Na kada kéda N da más un pasu, li nu ka podi perdi speransa

Nha kabésa sa pega lumi, gósi N ten ki ta djuda zóna
Nha morada N ka ta sukundi, ningen ka sabi kuzé ki N pasa
Nu ben dibaxu, ma nu kre subi
N ka podi skesi di nhas infánsia
Solta pipa déntu nha zóna, falta skóla pa N juga bóla
N ka tinha strési na nha mimória
Nen xinélu ka tinha sóla, un avaiana éra vitória
Na Kalu N ta pidi zimóla, si ben 10 skudu nu djuntu da 20
É kada kenha dos bolaxóna, Paxóla tinha más apititi
Mas sénpri el ki éra nha bróda
Txoma-m Kevini ku mano Riki, nu ta jogaba nos karanbóla
Kes ténpu ka ta volta más
Nos éra sábi ti dimás
Ta da-m sodadi nhas rapás

Es é fidju di kenha? Nos é fidju baraka
Es é nétu di kenha? Nos é nétu balanta
Bai bu manda-s mantenha gentis di kaza lata
Es é fidju di kenha? Nos é fidju baraka
Es é nétu di kenha? Nos é nétu Nha Nasia
Bai bu manda-s mantenha povus di Zóna Baka
Es é fidju di kenha? Nos é fidju baraka
Es é nétu di kenha? Nos é nétu Nha Nasia
Bai bu manda-s mantenha gentis di kaza lata

S'u ten bu mama ki ta djuda-u, nton, ka bu skesi di da-l un beju
S'u ten famílias ki ta apoia-u, nton, ka bu skesi di fortalesi
S'u ten amigus ki kondena-u, ses amizadi bu ka meresi
Mi N ka Jizus, ma N ta perdua-u tudu pekadu si dja-u rapendi
Si es da-u ku lumi, bu da-s ku água
Si es ponta-u dedu, k'o pidi-s praga
Nos éra tres, nu dividi kama, nu kumi po-m ki Xuxu dja masa

Mi dja N dadu munti ki nau, ma é ka motivu ki dexa-m tristi
N staba sozinhu na solidon, N ka dexa Diabu faze-m dizisti
Vida é un strada, s'u da-l travan nunka e ka ta bai más pa frenti
Diós fla m'o ten ki ta longa-l ma si bu kre vivi más diferenti

Es é fidju di kenha? Nos é fidju baraka
Es é nétu di kenha? Nos é nétu balanta
Bai bu manda-s mantenha gentis di kaza lata
Es é fidju di kenha? Nos é fidju baraka
Es é nétu di kenha? Nos é nétu Nha Nasia
Bai bu manda-s mantenha povus di Zóna Baka
Es é fidju di kenha? Nos é fidju baraka
Es é nétu di kenha? Nos é nétu Nha Nasia
Bai bu manda-s mantenha gentis di kaza lata