Guade oide Zeit

Oft hörst d'Leut redn dass früher ois besser war,
as Land, de Leut, as Leben, de Zukunft sowieso
einfacher wars hoid, und insgesamt strenger,
aber heut host as G'fui, de Leut ham Angst vorm Denga!
D'Vergangenheit ändern, des kon heit koana mehr
Und wenns oana daad, nachad hätt ma's Gschehr
Nix waar mehr so, wias heut ausschaugt
Und des obwois ma jetzad eigentlich scho taugt

Ref.:

De Guade oide Zeit
Is so schee weils für jedn wos andas bedeut
De Guade oide Zeit
Is so nah und doch so weit

Früahra hots koane Autos gebn
Früahra warn koane Preissn im See
Früahra wars no a einfachers Leben
Und grod deswegn wars a so schee
Heit wern'd Wiesn betoniert
Heit wachsn d'Häuser in de Höh,
Heit laffts Schmiergeld ungeniert
Und deswegn wars frühara so schee!

Ref.

Schattn aus oida Zeit
As Heu war no frisch und de Wiesn weit
Schattn aus oide Tag
Des G'fui in da Luft des i so mog
Schattn aus oida Zeit
Zum vergessen no lang ned bereit
Schattn aus oide Tag
Des G'fui in da Luft des i so mog

Ref.