Canário ha'eñomi
Pe jaíre reñe'êva
Ko'êguive revevéva
Reheka ne irûrãmi
Chéko ndéichante avei
Ñembyasýpeanga aikóva
Che kambami ahayhuetéva
Ohoguive chehegui

Ahendúva reñe'êrõ
Che ñe'ã rembohorýva
Che akãme avei ijatýva
Vy'ami ymaveguare
Ko'ág̃a ndaje ha'e
Oiko ambuéndie torýpe
Chéanga jepoyhúpe
Oñatimói che rekove

Canário ha'eñomi
Ku asaje aku tiníme
Rejúva che tapỹimíme
Reveve rejeroky
Chéko péicharõ ambyasy
Ajase pe reimehápe
Ta'e ndéve nde apysápe
Aikomaha tyre'ỹ

Pévare ág̃a ahakuévo
Aheja mbarakasãre
Iko'êva che ñe'ãre
Purahéi ndéve g̃uarã
Ha maymáva toikuaa
Reikovaha ñembyasýpe
Revevévo ko arapýpe
Canario ha'eñomi