¡Rohechaga'u, che Peguahomi!
Naimo'ãi voi rohejahague
Ndacheresaráiriko che ndehegui
Taime ko aimehápe, ndéveko ha'e

Ahechaga'u pe nde yvotyty
Nde yvytu piguy ryakuã vevuimi
Che róga rape, nde yvakuéra eta
Nde ysyry sakã ha nde yvy pytã
Che róga rape, nde yvakuéra eta
Nde ysyry sakã ha nde yvy pytã

¿Oimévapa akói nde ykua ro'ysã
Sauceguy porãme opupu satî?
Mba'éicha nga'u Tupã toipota
Vokói tajevy chugui hay'umi

Kuarahy resêre hi'ãnte ag̃uahê
Peteî ko'ême amano mboyve
Horýne añete ko che rekove
Rohechajeývo, che reñoihague

¡Rohechaga'u, che Peguahomi!
Naimo'ãi voi rohejahague
Ndacheresaráiriko che ndehegui
Taime ko aimehápe, ndéveko ha'e

Ahechaga'u pe nde yvotyty
Nde yvytu piguy ryakuã vevuimi
Che róga rape, nde yvakuéra eta
Nde ysyry sakã ha nde yvy pytã
Che róga rape, nde yvakuéra eta
Nde ysyry sakã ha nde yvy pytã

¿Oimévapa akói nde ykua ro'ysã
Sauceguy porãme opupu satî?
Mba'éicha nga'u Tupã toipota
Vokóinte ajevy chugui hay'umi

Kuarahy resêre hi'ãnte ag̃uahê
Peteî ko'ême amano mboyve
Horýne añete ko che rekove
Rohechajeývo, che Peguahomi