Ni vymi nañeñandúi
Ndajehayhuiha voínte
¿Mba'éreiko cheteínte
Ndachesuértei nderehe?
Ne ma'ê ha ne rembe
Cheburlá injustamente
Ha chéanga inocente
Pochy rangue cherasê

Ko'ág̃a péina ahecha
Mediante upéva aikuaa
Yvoty ipo'opyréicha
Ipiru ñande joayhu
Peichavéreko añandu
Rohayhu amanohag̃uáicha
Jepe hoky'ỹhag̃uáicha
Reñotỹ che mborayhu

Naimo'ãi, ndagueroviái
Remboykévo ne promesa
¿Mba'étepa ha'evéta?
Ováma ne remiandu
Upe martes ka'aru
Nendive ra'e ya apáma
Ere chéve ipaháma
Este díantema reju

Apu'ã mbeguekatu
Che ndorodespedivéima
Añandúre ho'ysãma
Chehegui ne kunu'û
Tapérema chepyambu
Apensá ne ñe'ênguére
Otroitéma nde ykére
Iko'ê ne rembiayhu