Hora de bai, hora de dor
Dja'm crê, pa el ca manchê
De cada bês, que 'mta lembrâ
Ma m'crê ficâ morrê

Hora de bai, hora de dor
Amor, dixâ'm tchorâ
Corpo catibo
Bá bô que é 'scrabo
Ó alma bibo
Quem que al lebabo?

Se bem é doce, bai é maguado
Mas se ca bado
Ca ta birado
Se no morrê, na despidida
Nhor Des na volta
Ta dano bida!

Dixâ'm tchorâ, destino de home
És dor que ca tem nome
Dor de cretchêu
Dor de sodade
De alguém que m'crê, que crê'm

Dixâ'm tchorâ, destino de home
Óh dor, que ca tem nome
Sofrê na vista
Se tem certeza
Morrê na ausência
Na bô tristeza