في واحد بهالليل ماشي تحت الشتي
يدور من ميل لميل عا كرسي ليتكي
تعبان جوعان كتير مش قادر يشتكي
سامع أصوات العيد وما في حدا يحكي

ايام الشتي في ناس على الطريق
وحدا بهالدني ما في إلها صديق
محرومة من الحب قلبها بردان
ايام الشتي في ناس مشردي
ما في موقدي أفكارا مشتتي
ما عم تقدر تنام ولا ترتاح

في ناس عندا كل شي وحياتا بلا لون
عم تركض ورا شي مش رح يتلاقى هون
يا خالق هالزمان مش سايع هالمكان
في ناس ما عندن قلب ردلن الأمان

ايام الشتي في ناس على الطريق
وحدة بهالدني ما في إلها صديق
محرومة من الحب قلبها بردان
ايام الشتي في ناس مشردي
ما في موقدي أفكارا مشتتي
ما عم تقدر تنام ولا ترتاح