Uái, uái, uái, uái
Sodadi longi câ bu pertam
Uái, uái, uái, uái
Sodadi longi câ bu frontam
Nês talaia-baxu fêtu di lembrança
N’ta conta um pôcu di nha vivência na bó nha terra

Cusas frâ ê tanto má tempo ê minguado
Tudo nh’amigos qui n’ca lumiâ quê pa discurpam
Iche di nh’Arminda Eva imaculada
Padri Camilo nhô pidi Papa santâ sê nomi
Na livro sagrado di santos di mundo
Pa sê mimória na cepo stória fica gravado

Uái, uái, uái, uái
Lelety Garcia, Luísa di Minhóny
N'tâ lembra um cena na bem di missa mi nhôs Nichinha
Djél stába bonita caracol rênqueadu
Mi na sê n’djarga tâ spiâ djazigu pam dal um bêjo

Djó neto Nhangóia bá pa mar minino
Rema na bento di madrugada qui fazel homi
Talulu na popa ta dabél coragi
Fartu quel bida el ruma pa longi num barcu strangeru
Uái, uái, uái, uái

Mané nha cumpadri n’ta lembra quel noti
Festa stá riju manecon forti pôn t’ôdja strela
Caiambram nha duêdju qui n’ficâ mariadu
Bambudo na costa divagarinho n’tchigâ na casa
Nha Hermínia grita óh Mané nha fidju

Cusé bulí minino di guenti qui dal fraqueza
Marçulin rasponde ê só brincadera
Dês la di bila du bem ta bambu na cumpanhero
Uái, uái, uái, uái

Nha mãe Genubeba mandam Praia studa
Ano más tardi Pedrim nh’armum sarta mar tambê
Lucy cu Lulucha, Manel cu Lorinda
Na salabanco dum vida duro djudanu sabi

Djédji di nh’Antónha lâ di pé-di-campo
Fram Marcilina ma nha passagi dja stâ marcadu
La pâ mês d’Agosto n’ta dâ um sarto
Pâ tudo amigos na terra di Obama n’braça pertadu
Uái, uái, uái, uái