علشان أنضف منه وافوق
محتاجه غساله ومسحوق
وآخد مشاعري فومين
وانقعها في كلور
وأعصر قلبي واسيبه يومين
في الشمس منشور
كان بقعة كان تيت تيت تيت
كان فيروس في الزور
كان عدوى الله يكون في عونها
اللي عليها الدور

واللي لسعتيه يا شوربة
لازم يخاف منك
لمّي دموعك يا عيني
أهو غار بعيد عنك
خلاص, خلاص
يا نحلة لا تقرصيني
ولا عايزة عسل منك

آه كان هم كبير وانزاح
محبوسة ولقت المفتاح
وكإِن حياتي كان فيها تراب
بس أنا نفضته
كان عمري هيتسرسب
بس لحقته ولقطته
ويا ميلة بخته اللي بيغرز
ده يا ميلة بخته
واللي بينفد بجلده
ده يا حظه يا بخته

واللي لسعتيه يا شوربة
لازم يخاف منك
لمّي دموعك يا عيني
أهو غار بعيد عنك
خلاص, خلاص
يا نحلة لا تقرصيني
ولا عايزة عسل منك