Aikundahávo tape ipukúva
Pe reimehápepako ag̃uahê
Ha upekuévo vaicha añandúva
Chemopirîrõ upe ne ñe'ê

Upeguivéko che mandu'áva
Mamo ahahápema nderehe
Nde pukavýko chemoangatáva
Ha chembo'ãhóva pyharekue

Ha sapy'ánte che ropevýrõ
Ndéve jeýnteko rohecha
Ku jepiguáicha repukavýrõ
Ha che ypýrupi reguata

Hi'ãnte chéve peteî ára
Joayhu hepýva ñambopoty
Ndénte voi la che ãnga jára
Remyengoviáva che vy'a'ỹ