Ajumíningo ipahaite
Che la reina, nerendápe
Apurahéi mbarakápe
Si ahátama katuete
Paraguáiningo chave
A-jurá va che retãre
Amanóvo hayhupápe
A la hora ojeofrecé

Péina ág̃a ahendu
Cherenóirõ la corneta
Acaláta bayoneta
Chacopýre asururu
Ahamítante amoirû
Valinotti-pe ikatúrõ
Aloamíne ajuhúrõ
Rojas Silva kurusu

Ahayhúgui che retã
Che la reina, rohejáta
Frontera lado aháta
Ahuguaitîvo umi ãva
Ndaipotáinte, che kamba
Chemyakỹ nde resaýpe
Aipotánte ere che sýpe
Heta tacherovasa

Che fusil je oime ipotî
Cherechasémane hína
Prevenciónpe, Catalina
Tereho cheguaitî
Rehecháne Guarani
Hekove odespreciáva
López ra'yre opytáva
Bajo el sagrado poyvi

Ikatúnte ajujey
Ndahái katuete amanóvo
Ndékena chera'ãrõvo
Siempre firme ndepoty
Che araha iñongatupy
Ko'a che korasõkuápe
Amoite ñorairõhápe
Ne ãngue, che tupãsy

Aimérõ en Parapití
Amog̃uahêne nde apysápe
Che ñe'êmi kuatiáre
Ne'irãha asapymi
Ndékena eñapytî
Ko verso ndéve ahejáva
Topurahéi ndéve ijára
El soldado guaraní