Chistu core è masto 'e forgia:
Sempe 'nfacci'â furgetella,
Ména 'o mántece e martella,
Pe' nu core 'a 'ncatená.

Ma però stu core è tuosto,
È n'acciaro cunsistente,
Ca martiello e fuoco ardente
Nun ce pònno faticá.

'sta canzone vène a te...
'sta canzone vène a te...
Catarina, catarí'...
Catarina, catarí'...
Voglio fá ll'arte d''o sole,
Voglio fá ll'arte d''o sole,
Pe' fá chello ca dich'i',
Pe' fá chello ca dich'i'!...

Chistu core, 'a masto 'e forgia,
S'è 'mparato giuilliére...
Ca vò' fá n'aniello a féde,
Pe' na nénna 'a mmaretá...

Ma pe' fá st'aniello a féde,
N'ata mano nce vurria
Ca strignesse 'a mana mia...
E 'sta mana 'aggi''a truvá!

'sta canzone vène a te...
'sta canzone vène a te...
Catarina, catarí'...
Catarina, catarí'...
Voglio fá ll'arte d''o sole,
Voglio fá ll'arte d''o sole,
Pe' fá chello ca dich'i',
Pe' fá chello ca dich'i'!...

Catarina, catarí'...
Catarina, catarí'..

Pe' fá chello ca dich'i',
Pe' fá chello ca dich'i'!...

Chistu core 'a giuilliere,
Mo vò' essere pittore,
Pe' pittá na scena 'ammore...
E 'o suggetto è chistu ccá:

Na brunetta ca mm'abbraccia
'mmiez'ê sciure prufumate...
E, cu ll'uocchie appassiunate,
S'abbandona 'ncuoll'a me!.

'sta canzone vène a te...
'sta canzone vène a te...
Catarina, catarí'...
Catarina, catarí'...
Voglio fá ll'arte d''o sole,
Voglio fá ll'arte d''o sole,
Pe' fá chello ca dich'i',
Pe' fá chello ca dich'i'!...
(bis)