Tardi na Salina
Mi di passagi tá bá Bila
Um Maria-Condón
Tá sai di mar rapián nha corpu

Ôdju trâcolam
Spritu guênguêm n'cai smaiado
Canto n'saluça
N'stá mi só na mei di tréba

Uai, ilusão di mund, pom fica mi só
Pôm perde sperança
Uai, ilusão di mund, pom fica mi só
Pôm cai na desgraça

Três dia dipôs
N'contrâ cu bó na Fonti-Bila
Canto n'raparã
Maria-Condón rabu câ tinha

Bu papiâ cu mi
Bu prumetém um mar di rosa
Má tempus dipôs
Na nhâ camin só tinha ambrôdju

Uai, ilusão di mund, pom fica mi só

Bu juras di amor
Pôm bandona quem qui n'ta amába
Canto n'dâ di fé
N'fica só cu bu promessa
Nh'amigus dogá
Di dám consêdju má n'sta cego
Canto n'abri odju
È só tchacóta na nhá costa

Uai, ilusão di mund, po, fica mi só

Bu mangâ di mi
Bu frám mâ bó ê cumprimitida
Ariscám cabeça
Trám di soltêra di bu porta

N'sai nâ padjigá
N'pupa riju nhâ desgraça
Nhórdés qui djudam
Qui n'cê prindâ na cambilitchi

Uai, ilusão di mund, pom fica mi só