Bidjisa é un amóstra sértu pa nu konta ku mórti pértu
Ma sol de ntardiser di idadi
Sol brandu é sol di sodadi

Sol brandu ka ta kemá péli di róstu di nha kretxeu
Sol brandu el é sol di gostu pa ta lumia-nu pórta di séu

Amor é kel que amâ co gosto
Na boca mel, lebe na na peto
Amor é mar quando el 'stâ manso
Gemê co gosto, amâ na descanso

Mar manso é quêl mar de nadâ
Mar brabo é quêl mar de matâ
Amor, ai! Quando el é mar brabo
Se el ca matâ, el ta derrubado

Amor dipos di un sértu idadi
T'óki el sinta ku kunpanheru
Ningen ka ta ergê prumeru
Sen ki tude dor mata sodadi

Sinta djuntu, labanta djuntu
Es k'é dretu, es k'é di gostu
Sinta sábi, ku mel, ku asuntu
Kurason lébi, grasa na róstu

Kretxeu é na dibagarinhu
Na pas, na gostu, na djitinhu
Amor é pa nu sinti-l se gostu
É na sonbrinha di sol postu

Ma kande el é di barbaton
É sen valor, sen ton nen son
Nha fidju, bu ubi un konsedju
Amor más dosi é amor di bédju