أنا نسكن في دار مبنيّة بالحجر
السقف فيها راشي مكسّر
بعيدة عالناس في وسط الشجر
بكري كانت تبانلي قصر، تبانلي قصر
كي نحب الضو نستنّا النهار
كي نحب نسخن نشعّل النار
كي نحب نشرب من الواد نعمّر
كي نحب نبكي نتفكّر، غير نتفكّر
غير نتفكّر

راني ساكنة وحدي
عايشة في طرف الدنيا
الدّار لي بناها جدّي
في الاخر ما لقيتْ غير هيّا
ولّيتْ نهدر وحدي
ومع الّي شفاو عليّا
الدّار لي بناها جدّي
في الاخر ما لقيتْ غير هيّا

ما نخافش كي الحال يتقلّب
كي تصبّ الشتا و تشمّخ القصر
أنا من بكري وجّدتْ الحطب
حتى آنا ولّيتْ نحسب، تعلّمت نحسب
ولّيتْ نحسب

راني ساكنة وحدي
عايشة في طرف الدنيا
الدّار لي بناها جدّي
في الاخر ما لقيتْ غير هيّا
ولّيتْ نهدر وحدي
ومع الّي شفاو عليّا
الدّار لي بناها جدّي
في الاخر ما لقيتْ غير هيّا