Union ta fazi forsa, si nu uni nu ta vensi
Nu sta djuntu, nu sta fórti
Nu sta djuntu, nu sta fórti

[Diloy Digra]
Falandu di justisa, N ka sabi pundi pega
Kabesa pidi ajita, yo, kel-la mi N ka ta nega
Txeu kusa te pa sita, ma N ta abdika pa ka sega
Kabesa N kapasita, mostra ma nu ka kolega
N pega mic pa medita, situason li pon ta nerva
Ami N kre evita rixa entri nos kusa sta feia
Storias ta multiplika, ta subtrai vida di nigga
Fama sen provetu fika ki ta da gana, justifika
Obi i analiza dika, s'u ka panha ntonda splika
Enves di ajita nhu sumara ben nkara li nha skrita
Na pista é senpri as klara, ta da kara sen konplika
Fridas t'inda li ka sara, alen pa li kual ta matxika
E si bu riii para! Pamodi sa ta da faiska
Nu sta nun baralhu foda, sen kontrolu es ta rapika
Mídia e kuas ta kolabora, enkuantu nu sta prejudika
Raiva ki N teni pa déntu ka txiga pértu vontadi di uni
Kridita ma nu sta a ténpu, ka foi atoa ki nu reuni
Nu sta djuntu, nu sta forti, e konporta abo e dundi
Vida justa nos suporti pa konsumi e nu asumi
Es luta é ka so di bo, nu sta xinti-l en komun

[PRVN]
Union ta fazi forsa, nu uni konpanheru
E da más vida na zona
Ami n'cre odja ghettos di li uns tenpus
So ta midjora, kria muvimentus
Karega na rec e fazi stória
Nu teni kapasidadi, mentalidadi pa nu kria anbienti
Nu ten ki ta muda, manu, pamó klima sta sangrentu
E ka sta bonitu ná, brow, sinseramenti, nu ten ki ta muda
Komunidadi urjentementi, e djuntu nu ta djuda
Nos gentis ki sa ta mesti un mô ta laba kelotu, ma ku dos ta fortalesi
Sistema kre pa nu perdi fóku, mas anos é konbatenti
Ka nu kanba na ses jogu, nu fazi un kuza más a frenti, io (Nu muda mentis)
Pamodi nos putus sa ta kria tudu ku ideia eradu
Nu ten ki ta djuda nos familia i poi nos nómi na merkadu
A long time ki nu sta nel so ta luta pa mesmu kauza
E tenta kaba ku abuzu polisial

[3-Saz]
N kre un vida justu, ma justisa é un mitu
Dura ta obi fladu nu sta djuntu, ma nu ka sta unidu
Nos distinu sima ki dja podo na mon di mininu
Kes ministru so ku ropa finu, nenhun ka ta obi-nu
Mesti di un oportunidadi, di un kaminhu
Skapatória k'é pa kriminalidadi ka sigi-nu
Nos komunidadi luta pa igualdadi pa ses fidju
Oji en dia Dady vítima di babis asasinu
Kantu vítimas ki kuazi dja skesidu
Txada ka sta vivu
Kantu d'es ki paga pa omisídiu?
Ma gósi séna sa ta agrava
Nen ku vídiu, balas na indivídu
Dispôs k'es ta ranja ses motivu
Ma dja sta bon, nu mesti kaba ku isu
Nu mesti pas, tánbi mesti di ganha juízu
Nu mesti fala ku rapás, nu kaba ku konflitus
Pa ka teni más atritu
Rola beat o rola xitu
Sai di siklu di rola ku xinu
Si nu sta djuntu, nu sta fórti
Nton, é más foda k'é pa es fri-nu
Sai di siklu di rola ku xinu
Si nu sta djuntu, nu sta fórti
Nton, é más foda k'é pa es fri-nu

[Flavio MC]
Nu sta djuntu, nu sta forte
Es ta móri ta respeta-nu
Sistema vivi di kalóti
Na ruas sa ta mata-nu
Pur poku ta kondena-nu
Txeu ténpu la déntu fitxadu
Manus móri na ses mon
Justisa nunka ka fazedu
Ten kuidadu, ta da medu
Fla-s p'es para di mata-nu
Manus 'a ta móri sedu
Pai nosso, Ave Maria
Ó, Nhor Diós krus krédu
Piór ki si nton é modi?!
Nu sta djuntu, nu sta forte
Nu kre oiá so mudansa
Snau nhos tá komesa ta móri
No kre oiá só mudansa
Pa tudu lágrimas ki skori
Pa tudu mal ki dja nhos futi
Nu sta unidu pa poi stop
Nu sta forte na ruas
Na ruas ke no hip hop
Nu sta djuntu, nu sta forte
Prontu pa munti kuza
Meti fogus, rinka glocks
Nu sta
Nu sta djuntu
Nu sta djuntu
N sta forte!

[K-Rasta]
Kabesa sta friu di pa déntu 'a ta kema
Sistema po-m ta rema barku asolu désdi putu
Fitxa koráji pa abri nha menti
Nha mama txiga kasa fla ma fam' sta di lutu
Gósi es kre tra-nu vida, aljema-nu, ka ta txiga blokia-nu juventudi, da-nu beku finda la
Bu atxa memu nu ben fala si so fala ka ta fila
Podi pergunta getu, fartu dja nu staba dja
N ka ta móri ignoranti, nha kaminhu longu dianti speransa é pa manti pa kes pértu o distanti
Fórti nu sta, nos tudu uni bairu uni mundu
Si nu kre nu fitxa tuga tuga para nun segundu

[Shottas BLK]
Nu sta djuntu, nu sta fórti
Nu sta djuntu, nu sta fórti
Nu sta djuntu, nu sta fórti
Nu sta tudu konektadu
Si nu uni tudu forsas, tudu mákinas di bairu
Bu podi kre, nha soldja, ma ningen ka ta para-nu
Bu podi kre, nha soldja, ma ningen ka ta para-nu
Atitudi ka ta falta, dizigualdadi ten ki kaba
Umildadi ku respetu ki ta po-nu fortelesi
Ti inda nu 'a ta luta pa un dia nu ben vensi
Buska kel ki nu meresi, ma déntu Portugal realidadi é tristi
Nu ten ki finka pé, rapá, ka nu dizisti
Kel-li é un komesu p'es respeta nos di street
Kel-li é un komesu p'es respeta nos di street
Vida li na getu é konplikadu, nos rasa tudu dia ta julgadu
Pa nos kor di péli es ta diskrimina-nu
Vida li na getu é konplikadu, nos rasa tudu dia ta julgadu
Pa nos kor di péli es ta diskrimina-nu
Pa nos kor di péli es ta diskrimina-nu

[Guman DS]
Es ten ki ta obi nha vos
I gósi é nos, ten ki ta obi nha vos
Pa nu sta na ses televizon p'es fala mal di nos
Es ka ta ntendi m'é difísil di vivi nha dia-dia
Nton, p'es ka oiá-nu na rua, es ten ki po-nu na kadia
Stadu sabi dretu, ma es finji m'é ka nada
Senpri k'es leba un di nos, é memu kusa k'es ta fala
Nu sta fartu ses poema, nu sta fartu ses konvérsa
Trata-nu sima ka nada, es pensa ma nha povu é besta
Nu poi beef más aparti i vamos no que interessa
Kada bes ki nu ta mata kunpanheru, es ta fazi fésta
Es pensa ma nos vida li na getu é ganda filmi fikson
Óra k'es ta aponta, es ta mata, es poi di ezénplu munti irmon
Pa más ki nos nu manifesta, ma li nada ka mudadu
Es 'a ta toma kel k'é di-nos, anus apos anus
Nkuantu anos na street ta tenta konpiti kenha ki ten midjór karu
Stadu ta ganha ku vótu i nos nu ta perdi na bairu
Stadu ta ganha ku vótu i nos nu ta perdi na bairu

[Drenaz]
Nu sta djuntu, nu sta fórti
I si nu djunta más, é klaru es ka teni ipótizi
N teni txeu kuza pa N fla-u
Pamodi senpri es ta da kórti
Kel ki es ka ta torna publiku
Kalma, dexa-m da-s un dosi
Nunka k'o muda bu pesoa p'o tenta agrada algen
Djunta pasa bu vizon djuntu nu ta bai más alén
Sen invéja, sen kobisa kel ki kelotu ta ten
Di-meu nunka foi sórti, foi txeu trabadju envolvidu
Désdi putu nu foi unidu, k'o julga-nu sen motivu
Pamó kel é ka nada
Fla-m kuzé k'u ta pensa di kel ki dja nu pasa
Es ka kre pa nu subi, ses verdadi é un farsa
Kuzé ki se pasa, tudu sta au kontráriu
Kes tipu di pergunta ki ka ten nenhun motivu
Óki N fla-u ma kuza é seriu a sériu, N ka sta fla-u di guitto
Si nu uni nu ta vensi, kel-la é un kuza bonitu
Óki N fla-u é pa bu obi, k'o fazi rostu skizitu

[Raúl Pi]
Nu ten ki uza más kabesa pa nu podi fazi union
Ka podi ser di boka, e dexa-nu nos moku
Kai na txon k'é pa kaba ku vida di más un sidadon
Na kasa, na rua o dentru di prizon
Nha irmon, es kre pa nos nu kai na tentason
Pa nu mata kunpanheru, pa tenta buska razon
Sabendu ma tudu kuza teni un splikason
Nu ten di ganha más noson, dexa di txeu brinkadera
Ka ten nada a ver ku koris, mas sin ku valoris ki nos na mundu nu ta karega
Nos pais viaja pa Europa, sima piratas na maris ta navega
Primeru dansa pa afrikanus foi kapuera
Trabadja na ribansera, da ku tornu, subi ladera
Pega martélu, da ku prégu na madera, labanta nos bandera
Kel-la k'é nos kultura, kel-la k'é nos kultura

[Felix G]
Aio, getu
Dja ka ten kau di kóri
Pa móri nu sta sujeitu
Na fuckin lei di ómi
É pa skori sangi na getu
Ami gó N ka sabi pamodi
Ma es, es ten kel fómi di pega-nu la na beku
Undi ta kaba nos diretu
Égu o prekonseitu, tudu dos pa blokia
Pa li nu teni bala, ma tánbi ideia pa troka
Nigga, fe na mulekada li, é ka so bazofia
Na beat, é más pankada ki kasetadas di bofia
Justisa, justisa - pa más ki nu grita ka ta trazi ningen di vólta
Justisa, justisa - nu sta djuntu, nu sta fórti, sta na óra fazi stória
Justisa, justisa - pa más ki nu grita ka ta trazi ningen di vólta
Justisa, justisa - nu sta djuntu, nu sta fórti, sta na óra fazi stória

[Dezinho]
N ben transmiti xis realidadis di getu
Abuzus di babilónia ku xis faltas di ruspetu
Kantus ki matadu sen motivu pamó perkonsetu
Bu sabi kel ki nu pasa, k'o pergunta-m si sta dretu
Tudu kes ki dia lebadu, pa Diós guarda-s ku amor
Tudu familia k'es dexa nun mundu pretu sen kor
N ka sa ben inplora pa stadu muda menti pa favor
Fla-m kantu ómi mesti móri p'es da valor na nos dor
I ami é más un dia ki sienti ta sai di kaza
Ta da ku bofias manenti ta abuza pamó ses farda
N ka paridu katxor p'es po-m ta kóri nhemi strada
Fla-m kuzé ki N podi fala si N ten un arma kara
Sértu la ta mora un bala ki kre kaba ku nha rasa
O manba kre fura nha soulja ki ten doku, ma é rasta
Mundu sta stranhu, ma djuntu nu sta más fórti
I uni pa txiga top ka ta faze-u menus ómi, bro

[Stevão NDM]
Na nha bairu, na bu bairu, ten un stória mó kel-la
Ka normal, juru m'é stranhu mó ki bofias ta abuza
Sikre bandidu, nha manu, vida nu ka pode tra
Nu sta djuntu, nu sta fórti, nu labanta pa luta
Bro, nu poi tudu di parti para pensa na família
Nu teni un dor jiganti ki nos tudu nu ta partilha
Es leba más un manu, e más un strela k'é pa brilha
Sistema kre mata-nu, es kre monta-nu armadilha
N ta fala di Odair, sen skesi kuku ku musu
Pa bo ki ka ta nporta, o próximo podes ser tu
Odja na bu vólta, txeka, nada ka sta muda
Si vida ka sta muda, pega bu kabesa u muda
Mudansa sta nos kel projétu ka toa
Abri menti, voa, nu puxa kel kanoa
Nos k'é vos di bairu, vos di streets di Lisboa
Nu muda kel senáriu pa nos vida nu kontrola
Pa nos vida nu kontrola
Pa nos vida nu kontrola
Pa nos vida nu kontrola
Pa nos vida nu kontrola