Tudu algen ten planu, ten sonhus pa rializa
Opurtunidadi é tudu ki nu prisiza
Gara, foku, i kel fé, ku kel ditirminason
Si parsi, agarra ku unhas i denti pa un futuru, nha irmon

Mi n’ kre toma disizon, si n’ era n’ kre sugundu xansi
Poi x’ sertu na un opuson, sen surji un avalanxi
Jovens tudu priokupadu, kre un minotu di atenson
Un governu ku konsiensia pa analiza situason

Sentru Kumun ta falkatrua ku ses markason
Mas di mil algen na bixa, dizusperu jovens ton
Jovens ta dipuzita speransa na imigrason
I nada ka ta rizolve, nen ku manifestason

Maioria djóbi un opurtunidadi, munta avion
Peregrinus ka bai igreja nau, es bai djóbi un pon
Jovens tudu formadu, sen trabadju é frustrason
I na PT, sta txeu trabadju na obra i ristourason

É ka saúdi, siguransa, nen alimentason
Kasubodi i droga sa ta oumenta na rua ton
Mas morti, mas rivolta di nos populason
Xinês sa ta mata-nu, IGAI ka fase-s inspeson

Tudu algen ten planu, ten sonhus pa rializa
Opurtunidadi é tudu ki nu prisiza
Gara, foku, i kel fé, ku kel ditirminason
Si parsi, agarra ku unhas i denti pa un futuru, nha irmon

Niglijensia médika sen ninhun kondenason
Kriansas mori na maternidadi – kal ke splikason?
Notisia tudu distorsidu na tilivizon
Kada mueda ki nu pega, bai ta guarda pa kaxon

Duenti mori na ospital, speransa na ivakuason
Sigurus diskontadu, ma ka ta sirbi-nu nou
Es fla: Jovens k’é futuru, ma es ka kria kondisons
Liberdadi di espreson, un sosiedadi alerta

Tera sen futuru, sosiedadi aberta
X formason k’es abri, es fla: M’é oferta
I dipôs di 4 anu forma, xinta – ka nhos sperta
Jovens mesti opurtunidadi pa un dia brilha

Konbati kontra pobreza i djuda ses familia
É tristi odja algen ku bon trabadju larga imigra
(Professores)
Saláriu di fin di mes ka sa ta da-nu pa três pur dia