اليوم اللي بيمرق من دونك
أنا ما بعدّو
ولو يوقف بوجّك حالي
أنا بوقف ضدّو
قلبي حبّك بطّل ذاتو
متل الموسيقى دقاتو
لأنك انتي جوّاتو
ما حدا قدّو

ما كنت بحياتي ناطر
لا عالبال ولا عالخاطر
قلبي حبّك قلبي شاطر
عارف شو بدّو
بدّو يسرق قلبك سرقة
لحظة من دونك ما يبقى
اللي حبّك من أول دقّة
بيحبّك بعدو

للرقم الصعب تكوّنت
وعينيك طلّوا
في حلوين كتير وانتي
أحلى اللي تحلّوا
قلبي قلبك بيتي بيتك
أميرة قلبي سمّيتك
من عمري يا عمري عطيتك
أنا عمري كلّو

وما كنت بحياتي ناطر
لا عالبال ولا عالخاطر
قلبي حبّك قلبي شاطر
عارف شو بدّو
بدّو يسرق قلبك سرقة
لحظة من دونك ما يبقى
اللي حبّك من أول دقّة
بيحبّك بعدو