Oji N teni géra déntu nha menti ku Satanás
Amor sa kunpradu, gósi na mundu é ken ki da más
Pamó k'u sa inveja kel ki mi N ten? Ganánsia é dimás!
Pa kes ki dja bai, N ta reza pa es diskansa en pas

N ta jira na getu déntu umildadi ku nha rapá
Si es teni mi N teni, nu ta dividi un bóka é pa pasa
Prubléma na vida ten ki ta ten, k'o pensa dimás
Ma manu k'é manu brasu é stendedu, li ka ten falsu

N sa fartu des vida korda di sedu memu senáriu
Nu ten ki rikisi o móre ta tenta mi ku nhas manus
Nu kria na getu, nu pasa mal na nos é ka nada
I kel ki nu teni nu dividi memu ki kaba

Nha vida un dia ten ki ta muda, un dia e ten ki ta muda
Un kaza, un karu ku nhas manus pa nu disfruta
Un dia e ten ki ta muda, un dia e ten ki ta muda
Un kaza, un karu ku nhas manus pa nu disfruta

Será ki si N perde nha direson bo mê u ta djuda-m?
Será ki si N kai ki N fika na txon bu ta labanta-m?
Será ki mi bera di presipísiu bu ta da-m mô?
Si mundu da-m kósta, resta so nos pa N konta ku bo!

N tinha un dama rei di bunita i boa dimás
E fla-m m'e ta jura nunka larga-m o dexa-m pa tras
Oji e sa na brasu d'otu algen, prumésa foi falsu
Amor di verdadi é so di nha mai, kelotus é falsu

Sa foda pa tudu kel k'u sa pensa, nada u ka da-m
Inférnu é na téra, óki N ba séu, Nhordés ta julga-m
Pamó nha pasadu, nhos ponta-m dedu gana mata-m
Mas antis di N bai, un munti di nhos ta antisipa-m

Nha vida un dia ten ki ta muda, un dia e ten ki ta muda
Un kaza, un karu ku nhas manus pa nu disfruta
Un dia e ten ki ta muda, un dia e ten ki ta muda
Un kaza, un karu ku nhas manus pa nu disfruta