Mbaraka joyvy purahéi porãndie
Ko nde rogaguýpe roñembojami
Ñande serenata a lo ymaitéva
Epu'ã, che áma, terehendumi

Nde jazmín poty
Ha nde resedá
Hyakuãvu asýva
Ápe oreaho'i
Ha umi estrellakuéra
Jasy resapéndie
Jepiverõnguágui, jepiverõnguágui
Porãve omimbi

Hetáma ahendu ndererohorýva
Ne ñe'ê ohendúva mombyry guive
Ha nderechahára katu omombe'úva
“Kuña nde jukýva, porã memete”

Pévarente che
Ko'ápe ag̃uahê
Ndéve rohechávo
Aikuaahag̃ua
Cardinal pepóre
Iñe'ê omyasãiva
Oñe'êkuaáva, oñe'êkuaáva
Calandria para

Rasa rovy'a ore-recibíre
Roipykui jeýtama ore rapekue
Amo ára mboypýpe ya ojekuaáma
Ko'ê omyesakãva kuarahy resê

Heta muchas gracias
Roheja peême
Pehayhuhaguére
Ñanemba'ete
Péicha opurahéiva
Mbaraka joyvýpe
Ñane serenata, ñane serenata
A lo ymaite