Cifra Club

Ko'etî Jave

Dúo Quintana-Escalante

Aún no tenemos los acordes de esta canción.

Ko'ẽmbapotáma, tupãsy rekéva
Epu'ã ehecha nde rayhuhami
Péinama og̃uahẽ ñande resapéva
Yvága apýpe ko'ẽ morotĩ

Guyrami maymárõ opuraheipáma
Ha ipoty jera rosa pytãite
Ka'aguy mbytépe ku guyra campana
Péina o-repicá ko'etĩ jave

Cabrilla ojayvýma kuarahy reiképe
Ha estrella ova mombyry mbyry
Che ne rovetãme mborayhu apytépe
Che puraheimíme romongerasy

Nde ryke aurora che mohenondéva
Péina omboguepa Tupã rataindy
Epáy, che kamba rohechasetéva
Torohetũmi ha taha jey

Norte piguymi che py'ajoráva
Kóina che moirũ nde pejusete
Néina epu'ã, che korasõ jára
Chemokunu'ũ ahaite mboyve

Ne korasõmírõ, che rembiayhupára
Ani ãichaite che ãnga mbo'i
Chénte ko yvy ári nerembiguairãva
Ñesûháme ajúva romomaitei

Calandria para ku iñe'ẽ asýva
Enramada ári péina operere
Che moirũ avei ku iñe'ẽ joyvýva
Músico estero, guyraũ chore

Jazmín Paraguay hyakuã mombyrýva
Yvytu jurúpe péinama oguahẽ
Nardo morotĩ hyakuã yvagapýva
Nde róga rokára omyanyhete

Otros videos de esta canción
    0 visualizaciones

    Afinación de los acordes

    Afinador en línea

    Ops (: Contenido disponible solo en portugués.
    OK