Pynandimínteko che aikóva
Che mborayhu amosarambi
Clavel, romero che avakuápe
Che jyvaguýpe che kambuchi

Ojajaipáva umi mbyjáicha
Nde resakuéra, kuñataî
Ha hû asýva yvapurûicha
He'ê asýva nde jurumi

Ndéve ame'êta como regalo
Ko che pañuelo de ñandutí
Ha amoîta nde ojal kuápe
Hyakuã asýva ko pacholi

Che korasõgui ipotîvéva
Ndéve ame'êta typói jegua
Ha nde áva kuápe katu amoîta
Ndéicha iporãva kygua vera

Mamópa oiméne ñandeichaguáva
Ovy'aitéva koyguamimi
Hekopotî ha imarangatúva
Oikuaa'ỹva tekovai

Ojojyváre torypaitépe
Puka, vy'ápe jajeroky
Ha umi guyráicha yvotytýre
Japurahéi ñane mborayhu