Ntem sodadi
Kantar di galu ta kordam
Na kompasu di serenata
Di txota ku pasarinhu

Nta lembra kantu
Kebra djudjum tinha sustentu
Di pegam boka stangu
Pa guentam tudu jornada

Na kambar di sol
Ora ki galu dja deta
Ki grilu dja ronka
Sapu ta komesa pupa

Vizinhansa rumadu
Di mas grandi ti pikinoti
Tobi storia dondonu
Di ti lobu ku xibinhu

Sapatinha rubera riba
Sapatinha rubera baxu

Sapatinha rubera riba
Sapatinha rubera baxu
Ken ki sabi más, konta midjor