مريت بالشوارع، شوارع القدس العتيقة
قدام الدكاكين، الـ بقيت من فلسطين
حكينا سوى الخبرية، وعطيوني مزهرية
قالوا لي هيدي هدية، من الناس الناطرين
ومشيت بالشوارع، شوارع القدس العتيقة
أوقف عباب بواب، صارت وصرنا صحاب
وعينيهن الحزينة، من طاقة المدينة
تاخدني وتوديني، بغربة العذاب
كان في أرض وكان، في إيدين عم بتعمّر
عم بتعمّر تحت الشمس وتحت الريح
وصار في بيوت وصار، في شبابيك عم بتزهّر
وصار في ولاد وبإيديهن في كتاب
وبليل كلّو ليل سال الحقد بفيّة البيوت
والإيدين السودا خلّعت البواب وصارت البيوت بلا صحاب
بينن وبين بيوتن فاصل الشوك والنار والإيدين السودا
عم صرّخ بالشوارع، شوارع القدس العتيقة
خَلِّ الغنية تصير، عواصف وهدير

يا صوتي ضلّك طاير، زوبع بهالضماير
خبّرهن عاللي صاير، بلكي بيوعى الضمير
يا صوتي ضلّك طاير، زوبع بهالضماير
خبّرهن عاللي صاير، بلكي بيوعى الضمير
خبّرهن عاللي صاير، بلكي بيوعى الضمير