Ezin dut denbora gelditu.
Orekak desorekatzen nau.
Bide zuzena ez da beti motzena.
Jainkoa hil dut, deabrua hil dut.
Zazpi koloreko hezurdura
kontzentrazio gunea zeharkatzen,
eta ni espiralaren erdian
dena biraka dago.
Odola berotzen da
eta infernuko ateak
niretzat bakarrik ireki dira.
Kaosan nago
Kaosa hona iritsi baino lehen
kaosan murgilduta nengoen.
Etengabeko mugimenduan
aurkitzen dut nik lasaitasuna.
Negua beti luzeegia da.
Etengabean kaosan bilatuz
zeruko ateak zarratzen ditut.
Eta okertzen naiz.
Eta apurtzen naiz.
Lotsagabe, zerua dut iraintzen,
irri ero bat berriz jantzi dut
Kaosantzako egina nago