Che rembiayhumi mombyry reiméva
Hetaitereíma rohechaga'u
Che korasõmi itarovaitéva
Og̃uahêvove ka'arupytû

Pytûmby og̃uahê nachemohendáiva
Hi'ãitéva chéve nendive aime
Mamove voi ku nacherendáiva
Ahenói nde réra mantereiete

Oimépa avei mamo reikoháre
Nemandu'amíva anga cherehe
Térãpa oime tesarái ñañáme
Ko che mborayhu reitýma ra'e

Chénte ndaikatúiva roipe'a che akãgui
Jepe mombyry ñaime ojuehegui
Ndoguepamo'ãi che korasõkuágui
Nemba'e teéva che mborayhumi