N kre-bu fóra di marka
Bu ka pode nen kuda
Más txeu ki planta kre agu
Más ki kumida kre sal

N kre-bu ku mesmu ánsia ki ségu ta djube lus
N kre-bu kuma Maria kreba se dosi Jizús
N kre-bu kuma puéta kre lus mansu di luar
N kre-bu kuma areia kre bejus fórtis di mar
N kre-bu pa bu ben da-m nes mundu filisidadi
N kre-bu kuma partida kre tristeza ma sodadi
N kre-bu kuma Djabraba kre mórnas di se Tatai
N kre-bu kuma un fidju ta kre regasu di se mai

N kre-bu pa tudu sénpri
So mórti al faze-m dixa-bu
N kre-bu, dosi rainha
Nes mundu, itérnu skrabu