N sai na rua
N djobi riba N djobi baxu
N djobi strela N djobi pédra
N djobi algen pa N fla mantenha
Tudu staba diferenti
Ma tudu staba

N sai na lua
N djobi lus N djobi fatxu
N djobi matu N djobi sérra
N djobi distrinsa un senha
Tudu staba diferenti
Ma tudu staba

N sai na mar
N djobi sal N djobi tenpu
N djobi risku N djobi téra
N djobi mundu fundu mar
Tudu staba diferenti
Ma tudu staba

Belén ku madera
Kristu e si éra
Nha biku i nha onbru
Di sértu manera
Diós izajera
Poi mundu riba nha lonbu