E ta brinka ke é povu dimas
Povu kansadu na guera
Tristeza no independensia

No djunta no tomal no fika tras
No fala ba tuga ka djuda
Manera ke e bai e na djuda
No djunta no kumpa tchon
Mintida kada kin laba si mon

Asin ku no tera paguidja
I ka prisis
I ka PAIGC
I ta tchiga madem mas
Pa buri kansera na povu de Guine

Na bardadi no kansa
No ka kansa
No ka kansa inda si na bardadi no kansa
No na sai na rua, no na sai na ruaaa

E povu ka kansa inda, i na falta sufrimentu!
Es i pikininu i na falta inda

U ta sai na rua sintadu parmanha nada bu ka ta odja
Tristeza na kara di djinti pobreza, medu misti toma konta
Nau! Toma konta toma konta ka bu toma konta medu nau!

Konta, konta de vida, konta, konta rapasinhu tene konta
Gosi tera tomadu pa rapasinhu
I faladu i ka ganha

Mininusinhu di si volta gosi i ta fala nan no pirdi ba
Otcha bu na apoia bu ka sibi ba
Kansera di povu ku na aumenta

Speransa di es povu ka ta mata speransa di povi ka ta muri
Na pidi mas união pa fidjus di Guine
Na pidi mas união pa fidjus di Guine
Na pidi mas união

Mas união nha ermons
Pa no sta na mesmu sintonia
Memu sintonia i ka memu partidu
Memu sintonia i seta bardade pabia no tene mesmu odjetivu
No rispita opinião di kumpanher, ka no kai se tentação

Es i bardadi, i ka mintida prisis ku PAIGC, apu ku madem bo djakasi
Bo toma tera bo dana
Falsidu nino el dja i bai
Tempu kabi tempu sabi otchan meninu tempu kabi ora ki na pasa
Nino Vieira kabi kabi kabi kabi i tempu sabi, tempu sabi
Nunde disgrasa di 7 di junhu?
Djintis ku muri na cefap bo kasibi
Gosi gosi i guera relijion!
Relijion kristons ku musulmanu e misti dividinu pa rena mindjor na nos
Ka no seta, anos i ermons

Pa independensia pa e toma e tera no ka na dividi
Cabral falanu: Balanta ka ten li, fula ka ten li, anemista ka ten li, musulmanu ka ten li, kriston ka ten li, ke ku ten li
I Guine-Bisau, i Guine-Bisau

No luta no libertal, no toma no independensia
No fala no liberta te gosi, ma nada no ka odja
Pintura ku branku fika na paredi, so kila ku no odja
Sufrimentu tristeza ku es povu ta pasa, bo findji bo ka odja
Aiii ma tristi beleza de sufrimentu di es povu, kal dia ki na kaba
Kal dia ki na kaba e povo dja konforma

Es i i bardadi i ka mintida
Es povu ta sufri pabia e gosta
Tudu anu sufrimentu, tudu anu sufrimentu
Anu nulu skola ka ten lus ka ten
Povu no sinta no konforma
No misti pa djintis de de diaspora bin papia
Pa diaspora bin papia

Brinkadera ku no tchiu ermons
Kada povu meresi si presidenti, nha ermons
Si no ka lanta, ninguin ka na lanta pa nos saturação!
Saturação di e djintis mintida ku pasa ke e djintis

No bai pa revolução
Revolução sangui kinti
Revolução pasifika sin arma no kema pneu
Ka no kema karu
Karu i di nos, ka no mata ninguin no ermons
No fitcha strada, no fitcha rua
Nunde no beku ka ten saida
No panha presidenti ka no matal, no dal so tapona
No mandal pa pora, fora no tona aposta na kin gora?
Ma na kuma gora! Aposta?
Independensia na aposta no kaba no pirdi no aposta riba di kilis ku
No aposta nel, pabia elis tudu i bostass