N ka ta skese di ténpu kuandu nu tinha un bairu
Jira tudu diskotéka di otokaru
Ténpu ki nu éra Miraflor
T'óki N ta lenbra di kel ténpu, ta da-m so dor
Kriadu, idukadu na bairu digradadu
Sen apoiu i asves julgadu pa Stadu
Ma ku adjuda di Deus tudu nu da ómi
Nos família nunka dexa-nu pasa fómi
N ka skese di Tchikofx, sénpri nha parseru
Bo ku spada, nhos foi piuneru
Nbóra txeu já ka lenbra di nhos
Ma t'óki N abri bóka, nhos ta na nha vos
Tudu bairu ki nu pasa, nu planta amizadi
Oji nu kodje tunelada di sodadi
Un monti trópa ki dja dura N ka odja-s
Ma N ka skese, sénpri N ta lenbra-s
Kel ki mi é oji é parti di nhos
Ami é so un ómi ki ta uza nha vos
Kómu un arma kontra opreson di susiedadi
Ma di ves en kuandu ta da-m txeu sodadi

Vida ka memu séna sen nhos, sen nhos
Vida ka memu séna sen nhos, sen nhos
N ta lenbra di ténpu ki es éra es i nos éra nos, nos
Vida ka memu séna sen nhos, sen nhos
Vida ka memu séna sen nhos, sen nhos
N ta lenbra di ténpu ki es éra es i nos éra nos, nos

Nos union ka tinha dinheru
Éra un amizadi puru i sinséru
T'óki nu ta jira troka di grifi
Nu tinha ki ser más bazófu di street
Damas tudu kria para na Miraflor
Bairu mal faladu, mas xeiu di amor
T'óki tinha fésta ningen ka ta fadjaba
Algen di tudu bairu tudu ta entraba
Ti manxi fésta éra si
Odja sol ta naxi fuma un weed
Kelotu dia fésta na otu bairu
Da bu spidienti, ranja boleia di karu
Dja N fala di rapá, ma N ka skese di damas
Nhos sabe nhos é kenha, nhos é tudu nha mana
N ta spéra ma nhos sta tudu dretu
Ku fe, pamodi mundu ka perfetu
Ka-u dizisti di bu sonhu, N ka kre obi kel-li
Nton, bu ka é di OG Ungarus, getu G
Si bu kria na memu ténpu di ki mi i bu jira ku mi
Fika pa sénpri, nos amizadi é si

Vida ka memu séna sen nhos, sen nhos
Vida ka memu séna sen nhos, sen nhos
N ta lenbra di ténpu ki es éra es i nos éra nos, nos
Vida ka memu séna sen nhos, sen nhos
Vida ka memu séna sen nhos, sen nhos
N ta lenbra di ténpu ki es éra es i nos éra nos, nos