Jahypýi ko yvy tome'ê hi'a
Ñamboapy ko sapukái
Yvytu vevére ñahendu iñe'ê
Ñande kóga purahéi

Ko'ê pytãngy, guyraita oñe'ê
Ndaipóri mba'embyasy
Kuarahy omimbi, jasy opukavy
Oso mboriahu apytî

Ñañemitỹ
Taheñói yvy ári tory
Tojope kuarahy avatity
Tomyasãi mandyju panambi

Ñañemitỹ
Tahory ñande kéra yvoty
Tog̃uahê tetãgua araite
Topu'ã Paraguái

Petỹ ha ka'a, manduvi ha yva
Maymáva ty'ái repy
Takuare'êndýre mboriahueta
Oñopê hi'upyrã

Topa ñembyhahýi, joayhu taheñói
Topu'ã ñane retã
Ñañembyatypa ha jasapukái
Vy'ápe, che retãgua

Ñañemitỹ
Taheñói yvy ári tory
Tojope kuarahy avatity
Tomyasãi mandyju panambi

Ñañemitỹ
Tahory ñande kéra yvoty
Tog̃uahê tetãgua araite
Topu'ã Paraguái

¡A cultivar!
Que renazca en la tierra el amor
Que maduren las mieses al sol
Que hayan campos de blanco algodón

¡A cultivar!
Que en los sueños florezca el ideal
Que haya el día de la Redención
¡Elevar la Nación!