[Morte Dum Tchuk]

La na Ti Céza no ba pa morte dun txuke
Tresnota ku faba ma ralon, ni no kmê
Regóde ke vin tinte ma un grogin amanse pa parative
Na son di viulãu ta kontá partida no pasá
Mas un dimingu dizinfistios
Kunpadre Zéka ma Bitin postá na ses pratin
Es kei na txon, ta fala kuntina

La na Ti Céza no ba pa morte dun txuke
Tresnota ku faba ma ralon, ni no kmê
Regóde ke vin tinte ma un grogin amanse pa parative
Na son di viulãu ta kontá partida no pasá
Mas un dimingu dizinfistios
Kunpadre Zéka ma Bitin postá na ses pratin
Es kei na txon, ta fala kuntina

Ja kuaze note es sirví un kuskús kente kunpanhóde
K'un kafizin kente pa lavantá moral
Artur kema i el txora, el dzê lenbra-l na Gustu Pirik
Piduka subiá i el zará, fésta kabá

Ja kuaze note es sirví un kuskús kente kunpanhóde
K'un kafizin kente pa lavantá moral
Artur kema i el txora, el dzê lenbra-l na Gustu Pirik
Piduka subiá i el zará, fésta kabá

[C'mé Catchor]

Gosturdia la na ilha di Madera
Grande aból, lum insendjóde la nun kazinha
Konfuzon sen brinkadera
Pove ta korrê, o, kumade Xikinha
Tude ta gritá tude trapaióde
Trublóde na dvéra

Tude jente kel óra éra bonber
Ta pagá lum pa ka lará
Ma na mei da kel dzusper parsê uns larópe
N ta fazê pan i es levá-l, galinha asóde es panhá-l
Kabrite txumuskóde es finká-l
Pikinike na Rbera, ai!
Kunpade Pedre Tixe, nves des kabrite, es kmê katxor

Tude jente kel óra éra bonber
Ta pagá lum pa ka lará
Ma na mei da kel dzusper parsê uns larópe
N ta fazê pan i es levá-l, galinha asóde es panhá-l
Kabrite txumuskóde es finká-l
Pikinike na Rbera, ai!
Kunpade Pedre Tixe, nves des kabrite, es kmê katxor

[Camin De Maderalzim]

Na kamin de Maderalzin, algen uvi-be falá bo so
Ja N vizó-be: Munde é piknin, piknin
Bo ta pasá la na Fonte de Mei
Na skur tinha un par ben kolóde
Na kzê ki fazê ma ka strová-s uvi-be

Tras tope ten bjon ja N dzê-be
Es munde ta mufin, kautelá bo linga
Si bo kre maxê konténte, txá d'andá ta sunhá kordóde
Es munde ta ser tudu di bo

Ba t'andá ta fra bróke, oiá kmá es ti ta txekó-be
Dpos ka dzide ke ten mistér
Ba ta mordê burbitxe, ba ta salta kintal
Te ke Damata koimó-be

É mdjór pará de kurrida
Midi bos pós na Maderalzin
É mdjór pará de kurrida
Midi bos pós na Maderalzin

[Ina]

Tude siznón kre panhó-be, Ina
Sima un sotador tras pinton
N kre k'es pensa ke bo ta na leilan
Po-s 'stop' enkuante é ténpe
Pa riba i bóxe es ka papiá-l

Tude siznón kre panhó-be, Ina
Sima un sotador tras pinton
N kre k'es pensa ke bo ta na leilan
Po-s 'stop' enkuante é ténpe
Pa riba i bóxe es ka papiá-l

Dzê-s kma nada é feite sen un prikonseite
Si tude bjon fos un trunfe, bo tava nun béke sen saída

Krede, ó, Kriste pai kriston
Kada dzinparóde ba lonje de mi
Ses lénga-lénga ja N konxe-l
Es ba tude pa kel parte antis koza rapugna

Krede, ó, Kriste pai kriston
Kada dzinparóde ba lonje de mi
Ses lénga-lénga ja N konxe-l
Es ba tude pa kel parte antis koza rapugna

Léru-léru, linga kunpride
Es ten ki ngana ken kre
Mal agrade é ses diplóma
Pa arogánsia de lavrador

Léru-léru, linga kunpride
Es ten ki ngana ken kre
Mal agrade é ses diplóma
Pa arogánsia de lavrador