Reíma roha'arõ
Ajépa, rubita blanca
Ndaiporivéima esperanza
Ñaimevévo oñondive
Heta ha vy'a rire
Ne pore'ỹ chehundíta
Ajéningo, tortolita
Che mala suerte ra'e

Desconsoládoma che
Aha nde rogakuemíme
Aporandu nde symíme
Mba'érepa ndepochy
Che resay osyry
Aikévo nde yvotytýpe
Reimétavaicha cheypýpe
Tortolita, che yvoty

Pyhare cheropevývo
Rohechajeýma che képe
Reju kirirîhaitépe
Cheatõi ha rehojey
¿Marãiko chembotavy
Cherayhúrõ añetehápe?
Ndavy'avéima ko'ápe
Aikógui nderehe'ỹ

Ha'émiva'ekue voi
Nde rapykuéri aikoitérõ
Nde rogamíme ahárõ
Nderevy'avéi voi
Nimbo ra'e hi'ag̃ui
Tortolita che rejávo
Añembyasy apytávo
Mombyryete ndehegui