Dipós de um longo caminho
N dunta tudo nhas padas
Pa N fazi ês música

Mi N kre canta pa Yemanjá
Pa colar azul e branco
Pa dias de glória protegido
Mi N kre canta pa fé de amá
Pa amizade humilde e franco
Na dias tchucalero moda fuxido

Mi N kre canta pa nha guitarra
Ki simia alegria e nina ódio
Ki foi nha spada, nha cruz e nha scudo
Mi N kre canta pa kes cigarra
Ki na lama e sem subi pódio
Da-m exemplo antes de tudo

Mi N kre canta pa um mudjer
Ki canto mundo fitxa el ê abre
Moda portas de misericórdia
Min kre canta pamó N sabe lê
Foi assim ki N destrinça ubre de madre
Pa conquista de nhas próprio concórdia

Mi N kre canta finalmente
Pa kês ki nunca obi-m ta canta
Pamó destino lebâ-s primero
Mi N kre canta manente manente
Pa ora ki N leba terra nha garganta
Pa ê fazê-l canto e fazê-l cantero