Santiagu, N ta grita-bu di norti pa sul
Nha djatu fazi eku la na Piku di Antonia
Santiagu e mi ku bo ku Nhara Santiagu
Nos amizadi e profundu nen rais di polon

Santiagu nha biku interadu na bu txon
To ki N móri N kre batuku tabanka finason
Santiagu kosta di branku bariga di negru sima mi
Sima ta fladu txon di batata ka ta kaba rabenta

Santiagu, oi, Santiagu
Nos lasu e forti kasamentu ferinhu ku gaita
Santiagu, oi, Santiagu
Mi si N perde-bu
Kode di Dona dja larga si gaita

Santiagu, oi, Santiagu
Nha rais, nha kultura, nha tradison
Santiagu, oi, Santiagu
Mi si N perde-bu
Nacia Gomi perde finason

Santiagu, oi, Santiagu
E mi ku bo ku Nhara Santiagu
Santiagu, oi, Sidadi Vélia
É la k'é bersu ki fazi es Nason

Santiagu, oi, Santiagu
E natureza ki dizenha bu beleza
Nha bersu, oi, nha ninhu
Kel ki Dios skrebi diabu ka ta paga