Santiago nta gritabu di norti pa sul
Nha djatu fazi eku la na Piku di Antonia
Santiago e mi ku bo ku Nhara Santiago
Nos amizadi e profundu nen raiz di polon

Santiago nha biku interadu na bu txon
To kin mori nkre batuku tabanka finason
Santiago kosta di branku bariga di negru sima mi
Sima ta fladu txon di batata ka ta kaba rabenta

Santiago oi Santiago
Nos lasu e forti kasamentu ferinhu ku gaita
Santiago oi Santiago
Mi sin perdebu
Kode di Dona dja larga si gaita

Santiago oi Santiago
Nha raiz nha kultura nha tradison
Santiago oi Santiago
Mi sin perdebu
Nacia Gomi perde finason

Santiago oi Santiago
E mi ku bo ku Nhara Santiago
Santiago, oi Cidade Velha
É lâ ké bersu ki fazi es Nason

Santiago oi Santiago
E natureza ki dizenha bu beleza
Nha bersu oi nha ninhu
Kel ki Dioz skrebi diabu ka ta paga.