Êss quê nha terra, é Cabo Verde
Q'nhôr Deus botâ'l na mei di mar
Navio di pedra, ta busca rumo
Sem podê otchâ'l na sê lugar

Ó mar azul, abri'm caminho
Falucho branco, trazê'm nha carta
Povo sagrado, tchorâ quitinho
Cretchêu na peto, morna na boca

Si catem tchuva, morrê di sede
Si tchuva bem, morrê fogado
Gente sem sorte, catem ramede
Tchorâ bo sina, tchorâ magoado

Êss quê nha terra, é Cabo Verde
Terra di morna, e lua cheia
Terra d'Eugénio, e serenata
Di mar ta canta, junto d'areia

Êss quê nha terra, Nhor'Déus qui da'me
Catem mas sabe, na mundo inter
Di sol mas quente
Di luar mas branco
Di mar mas doce, na coraçon