Santiagumanta llojsispá
Tucuy ñanta huackarani
Imajchus maa yacharani
Imatuchuscka can ancha sinchi
Chá punchau llampuyarani

Ashpa munasckayt sackespa
Ranchu nacerani chayta
Ancha sumajt causasckayta
Ancha cusicus cantaspa
Cunancka layat huackaspa
Ckahuanquish crespin inata

Ancha caru ni ashca huatas
Mana aterancu ni aycapas
Anchuchiyt yuya yniytapas
Ckonckasunaita munaspá
¡Y santiago ancha munasckay
Quebrachales niyqiotapas!

Ckayaman na huañupteycka
Y pillapas yuyaspacka
Niyquish paysanusniytacka
Churaan aaspacka glorianpi
Huajtaychis yuyas nockapi
Cá doble cantasckaytacka